Pa Högkoleverket haj o Svedicko Univetiteto

Le Högskoleverketoski internetoski rig hsv.se


hsv.se si le Högskoleverketoski internetoski rig. Kothe arakelpe e maj bare pushimatha phangle ka o Svedicko Universiteto. Kathe shaj arakes pasha kavereste informacia pa o Högskoleverket, sar le huche skoli haj universiteto kerrel bukji, pa le zakonura haj regulura save ingeren o Högskoleverket haj sar si o dikhipe pe sichipe sa kam lan avral o Svedo. Pe le internetoski rig so vi statistika adjesuthni pa o universiteto. Le Högskoleverketoske publikaciji, na primer le rapportura haj le deciziji, si pale pe e internetosko rig.

hsv.se si pe Svedicko shib. Kathe si informacia kuvimanca pa o Svedicko Universiteto pe Romani shib.

Kodo Svedicko Universiteto


Ando Svedo, o them ashel lasho pe e bukji savi si ande o universiteto. O parlamento haj o regeringo si kodol save len e deciziji pe le regulura save avena line haj sar avena hulade le resursura. De le universitetura haj le huche skoli si korkori phenge departamentura kaj shuven sama pe phende. Kado penel ke von korkoro alon sar te kerren phengi bukji.

Naj baro kaveripe mashkar le universitetura haj le huche skoli. La maj buth anda le universitetura haj huche skoli si le themeske. Jekh kaveripe si ke po universiteto o manush shaj zhal maj dur pe jekh doktorosko sicharipe kana del gatha o fundamentalno sicharipe haj o sicharipe pe o maj hucho etazho. Kado na mindigh zhal te kerrdjolpe pe e huchi skola.

Si 37 universitetura haj huche ckoli ando Svedo. Von inkeren o sicharipe haj o rodipe kethanes kusa o manushipe krujales. Vi si jekh kothor privathni sicharitora vaj sicharimaske azhutora saven si chachipe te den hucha skolako sicharipe. Pe le Högskoleverketoski internetoski rig shaj arakes jekh lista kusa le addressura kaj si le universitetura haj huche skoli.

Kado kerrel o Högskoleverket


Del zhutipe te vazdelpe o kvaliteto andel huche skoli


O Högskoleverket shuvel sama pe le kursura po uniersiteto haj huchi skola te zhanel pa lesko kvaliteto haj sar te vazdel les. Ame kamas te das inspiracia haj te das le huche skolen o shajipe te shaj vazden haj te zuraren phenge kursura. Thela 4e bershende, anda kodo, dikhas ame pe sa le kursura save ingeren jekhes kaj o generalno examina haj bukjaki examina. Ande kade bukji zhal te dikhas pherdal le universitetisko haj huche skolako drom pe sar delpe avri e examina. Avri kathar le rodimatha das ame palpale hacharipe kaj le huche skoli haj vi das avri rapportura, haj patretura interegone themeske.

O Högskoleverket vi zumavel le huche skolengo rodipe te shaj den avri phendar examina pel hunji kursura. Te pherrela jekh kurso le kvalitetosko rodipe atunchi avela pinzharado lengo rodipe.

Delpe molipe pe le sicharimatha/kursura line avral o them


Kodo kaj das gatha jekh kurso ande kavere themeste shaj lel jekh zumajipe kathar o Högskoleverket. Kadalesa penelpe savo Svedicko kurso kodo kavere themesko kurso erdemlij pinzharipe. Ame das informacia vi kaj o universiteto, huche skoli haj kodol kaj den e bukja pa sar jekh sicharipe kavere themestar si dino pinzharipe ando Svedo.

Hunji huche skolake kursura aresen kaj jekh bukji savi si regulovano ando Svedo. Jekh kurso kavere themestar phanglo kaj varisave anda kadal bukja, e decizia kadaleski pashljol pe kodo departamento savo lel sama pe kodi bukji.

Kathe thelal si jekh lista pe save departamentura len sama pe save bukja kaj si regulime. Pe jekh kaver righ si vi lenge addressura.

Regulovano bukji (Reglerat yrke) Behörig myndighet
Advokato (Advokat) Sveriges advokatsamfund
Drabbarno/Drabbarnji (Apotekare), bukjako sastjari (arbetsterapeut), azhutori ashunimasko (audionom), samitori shavorrengo (barnmorskan), drabbengo analista (biomedicinsk analytiker), samitori xamasko (dietist), samitori kokalengo (kiroprakter), azhotori vorbimasko (lokoped), doktoro (läkare), njervengo-muckulengo doktori (naprapat), jakhengo doktori (optiker), pundrengo doktori ortopedingenjör), psykologo (psykolog), doktoro pe psykyika (psykoterapeut), skiritari drabbengo (receptarie), röntgenoski sjostra (röntgensjuksköterska), azhutori treningosko (sjukgymnast), bolnjicako doktori pe fizika (sjukhusfysiker), sjostra (sjuksköterksa), dandengo sastjari (tandhygienist), dentista (tandläkare) Socialstyrelsen
Pinzharado shibako bolditari (Auktoriserad tolk, auktoriserad översättare) Kammarkollegiet
Jagagko Samitori (Brandskyddskontrollant) Myndigheten för samhällsskydd och beredskap
Shuvitori Prontosko (Elinstallatör) Elsäkerhetsverket
Phuvengo-Kherengo Bikinatori (Fastighetsmäklare) Fastighetsmäklarnämnden
Sicharitori ande publichni skoli (Lärare inom det offentliga skolväsendet) Skolverket
Tradimasko Sicharitori (Trafiklärare) Transportstyrelsen
Zhverongo Doktori (Veterinär) Jordbruksverket
Samitori/Vakto/Sekurita (Väktare) Länsstyrelsen i Stockholms län
Chachipe kaj delpe te avel tut chirro privatno biznesso (Näringsintyg för egenföretagare) Stockholms handelskammare
Ginav maj buth pa o dikhipe pe kursoste kavere themesko ande le Högskoleverketosko brochuro. Von si pe maj buth shiba, pasha kadal pe Romani shib, haj si ando pdf-formato.

Zumajipe pe kavere themske sicharitoresko sicharipe haj zumajipe pe kodo so zhanelpe haj birijpe

Del informacia pa haj vi del zuraripe te roden sicharipe


O Högskoleverket del informacia pa o sicharipe po universiteto pherdal e internetoski rig www.studera.nu haj kaver brochurura. Pasha kado si vi jekh internetoski kevnja/knjishka kodolenge kaj roden te sichon te aven doktora. Ame vi kerras bukji te pharruvas o dikhipe pa le kaverende te shaj vazdas maj buth kaveripe po universiteto kodolenge kaj naj sikhle le sicharimasa kheral haj kodolenge kaj naj
Svedanura.
 

Sama pe o sciharipe del aresipe kaj maj buth bukja


O Högskoleverket lel sama haj skirij rapportura interego vrama pa le bukjaki situacia. Ame dikhas te sichon sa kechi pe sa le gora. Ame vi rodas pherdal sari e bukjaki situacia manushenge pe le gora.
 

Sama pe le studentongi chachimaski pacha


O Högskoleverket dikhel pherdal haj lel sam asar o universiteto haj le huche skoli inkerel haj phirravel le zakonura haj regulura. Ame kerras kado pasha kavereste te shuvas sama te avel le stundeton chachipe kaj e pacha. Ame las sama pherdal e decizia le regeringoski, korkori pe amaro vast vaj pala kodo so dine opre manush.

Kerras analiza haj dikhas pherdal le huche skolengo sistemo


O Högskoleverket aniliza kerrel po universiteto haj pe le huche skolengi bukji, haj kerrel publikacia pa kodi analizacia haj le themake studiji. O rodipe kadalea si pe kodo maj buth te das kaj o parlamento haj o regeringo zhanipe te shaj len bare deciziji phangle kaj le universitetura haj huche skoli. Ame vi kamas amare rodimatha, na primer, shuvljikano-murshikano jekhipe, te avel jekhipe le bangenge, korenge, nasvalkerdenge, haj te den von vazdipe kaj e huchi skola.

Kjidel statistika pa universiteto


O Högskoleverket ashel lasho pe e officialno statistika pe o universiteto haj huche skoli. Ame las e decizijia so rodelape haj so avela kidino andre haj sar kodo avela shuthino. Pasha kado kidas ande vi statistik apa sode stundentura si pe savo kurso, lenge bersh, te si mursh vaj zhuvlji le universitetoske sicharitora haj sode vrama si shuthino pe o rodipe pel buth gora. Am ekerras analizacia haj das avri publikacia statiska kana haj kana pe amari internetoski rig haj jekh bershesko rapporto sako bersh.

Sama pe le universitetosko sicharipe andel kaver thema


O Högskoleerket lel sama pe sar barl haj pharrudjol o universiteto haj huchi skola ande kaver thema, maj butheste ande Evrope haj Amerika, de vi kurajles le kaver than le lumake. Kadalesa kerras thena avel pharo studentonge te mihskinpe mashkar kavere themende ande phengo sichipe. Informcia adjesuthni das ame avri ande jekh nevimasko lil.

Informacia pe le kaver shiba pa le universitetosko sicharipe


Högskoleverkets webbplats hsv.se finns i förkortad form på engelska. Pe le Hoögskoleverketoski internetoski rig hsv.se si jekh skurchardo versia pe Anglezhicko shib.

Ande le Högskoleverketosko brochuro "Att studera på högskolan" shaj tu ginaves maj buth pa sar kerrel bukji o Svedicko Universiteto. O brochuro si pe Albanicko, Arabicko, Bozniakicko/Krovaticko/Serbicko, Anglezhicko, Francuzicko, bi-phari Svedicko, Persianicko, Russicko, Somalicko, Spanjolicko, Thajlandicko haj Turkicko shib. Vov si po interneto vi pe Finlandericko, Zhidovicko, Romani, Samicko, haj Meankelicko. O bruchuro so pel hunji shiba, pashe kusa [e shib pa savathe zhal]. Tu shaj ginaves kado kathe neko ande o pdf-formato.
 

Kaver departamentura kaj si kude kaj o universiteto


Centrala studiestödsnämnden, CSN, administracia kaj den azhutipe lovengo kana sichos ande skola.
Internationella programkontoret del zhutipe skolen, universiteton, firmen, organizacien haj manushen te len parcha ande o internationalno bukji kethanes.
Svenska Institutet si pe kodo te phirravel informacia haj zhanipe pa Svedo avral o them haj te del atveto pe o pharrujipe kaver themenca pa e kultura, o sicharipe, rodipe haj kaver bukja trajoske.
Sweden.se, o officalno drom kaj o Svedo.
Verket för högskoleservice, VHS, lel andre le studenton pe le maj programura sicharimaske ande o anav le universitetongo haj huche skolengo.

Te shaj putheres pdf-dokumento haj le brochurura te shaj manges


Te shaj ginaves o pdf-dokumento trobul tut o programo Acrobat Reader. Kado shaj les po jiva/bi pochinimasko kathar e internetoski rig kathar o Adobe.

Tu shaj vi manges le brochurura ande papirushuni forma. Kodo shaj kerres pe amare internetoski bolta pe le publikacia.