- Startsida
- /Andra språk
- /Lulesamiska
Skriv ut
Allaskåvllådåjmadagá ja svieriga allaskåvlå birra
Allaskåvllådåjmadagá webbabielle hsv.se
hsv.se l Allaskåvllådåjmadagá webbabielle. Dánna li gájkbadjásasj diedo svieriga allaskåvlå birra. Dánna gávnnu iehtjádij siegen diedo Allaskåvllådåjmadagá birra, gåk allaskåvlå ja universitehta doajmmi, lágaj ja biejadusáj birra ma stivrriji allaskåvlåv ja ålggorijkak åhpadusáj árvustallama birra. Webbabielen la aj ájggeguovddelis statistijkka allaskåvlå birra. Allaskåvllådåjmadagá almmudusá, buojkulvissan diedádusá ja märrádusá, li aj webbabielen.
hsv.se l svierigadárogiellaj. Dála tjuovvu ienep diedo aktan sválldasij svieriga allaskåvlå birra julevsámegiellaj.
Svieriga allaskåvllå
Svierigin stáhta vásstet dåjma åvdås allaskåvllåsuorge sinna. Le rijkajbiejve ja ráddidus ma mierredi ma njuolgadusájt galggi fámon årrot ja gåk luohkojt juogadit. Valla universitehta ja allaskåvlå li iesjrádak fábmudagá. Mierkki da ietja mierredi ålov ietjasa bargo hárráj.
Älla stuorra ärádusá universitehtaj aj allaskåvlåj gaskan. Gájkka universitehta ja ienemusá allaskåvlåjs li stáhta vuolen. Akta ärádus la gåjt, universitehtan agev máhttá joarkket åtsådimåhpadussaj gå l gärggam åhpadusás vuodomieren ja allamieren. Dav ij agev máhte allaskåvlån.
Le 39 universitehta ja allaskåvlå Svierigin. Da dåjmadi åhpadusáv ja åtsådimev aktisasjbargon birástiddje sebrudagájn. Le aj muhtem aktugasj (priváhta) åhpadusásadiddje majn la riektá vaddet allaskåvllååhpadusáv. Allaskåvllådåjmadagá webbabielen la lissta adressaj gájkka universitehtajda ja allaskåvlåjda.
Allaskåvllådåjmadahka dáv dahká
Doarjjá allaskåvlåj kvalitähttaåvdedimev
Allaskåvllådåjmadahka sujnni universitehtaj ja allaskåvlåj åhpadusájt vaj gähttjat ja åvdedit kvalitehtav. Sihtap arvusmahttet ja allaskåvlåjda vaddet nävojt buoredittjat åhpadusájt. Dan diehti mij gudájakgávdajn árvustallap gájkka åhpadusájt ma doalvvu gájkkásasj eksámajda ja viddnoeksámajda ja åtsådimåhpadussaj. Dán bargguj gullu gähttjat universitehtaj ja allaskåvlåj eksámariektájt. Gähttjamij milta mij dávástusáv vaddep allaskåvlåjda ja almmudip diedádusájt ja rijkalasj gåvådusájt.
Allaskåvllådåjmadahka aj gähttjal allaskåvlåj åtsålvisájt eksámariektáv oadtjot vissa åhpadussaj. Jus åhpadus dävddá kvalitähttarávkalvisájt de åtsålvis dåhkkiduvvá.
Árvustallá ålggorijkak åhpadusájt
Gänna l ållidum ålggorijkak åhpadus máhttá dav oadtjot árvustaládum Allaskåvllådåjmadagás. Sáhka l dan birra mav svieriga åhpadusáv ålggorijkak åhpadus vuosstájvasstet. Mij aj diededip universitehtajda, allaskåvlåjda ja barggovaddijda gåk ålggorijkak åhpadusá Svierigin märostuvvi.
Muhtem allaskåvllååhpadusá doalvvu vidnojda ma li Svierigin njuolgadum. Ålggorijkak åhpadus, mij doalvvu aktaj dajs vidnojs, árvustaláduvvá dat fabmudagás mij vásstet jur dan vidno åvdås.
Dála l lissta mij vuoset ma fábmudagájt giehtadalli njuolgadum vidnojt.
| Åvdåsvásstediddje fábmudahka | Autoridad competente |
|---|---|
| Advokat/Advokáhtta | Sveriges advokatsamfund |
| Apotekare/Apotäjkkár, arbetsterapeut/doajmmamterapävtta, audionom/audionoma, barnmorska/gáhppeliddje, biomedicinsk analytiker/biomedisijnalasj guoradalle, dietist/dietissta, kiropraktor/kiropraktijkkár, logoped/logopeda, läkare/dåktår, naprapat/naprapáhtta, optiker/optijkkár, ortopedingenjör/ortopedainsjenjerra, psykolog/psykologa, psykoterapeut/psykoterapävtta, receptarie/resäptár, röntgensjuksköterska/röntgenskihpasujtár, sjukgymnast/skihpamássjkár, sjukhusfysiker/skihpadåhpefysijkkár, sjuksköterska/skihpasujtár, tandhygienist/bádnehygienissta, tandläkare/bádnedåktår | Socialstyrelsen |
| Auktoriserad tolk/Auktoriseridum dålkkå, auktoriserad översättare/auktoriseridum jårggåliddje | Socialstyrelsen |
| Brandskyddskontrollant/Buollemsuodjesujnnár | Kammarkollegiet |
| Elinstallatör/Elektrijkkár | Myndigheten för samhällsskydd och beredskap |
| Fastighetsmäklare/Gittaåbmudakgaskostiddje | Elsäkerhetsverket |
| Lärare inom det offentliga skolväsendet/Åhpadiddje almulasj skåvllåvuogádagán | Fastighetsmäklarnämnden |
| Trafiklärare/instruktor vožnje | Högskoleverket |
| Trafiklärare/Trafijkkaåhpadiddje | Vägverket |
| Veterinär/Veterinerra | Jordbruksverket |
| Väktare/Váksjár | Länsstyrelsen i Stockholms län |
Erkännande av utländsk högskoleutbildning/Ålggorijkak åhpadusáj märostibme
Bedömning av utländsk lärarutbildning och behörighetsprövning/Ålggorijkak åhpadiddjeåhpadusá árvustallam ja dåhkkimvuohtagähttjalibme
Diedet ja arvusmahttá låhkåt
Allaskåvllådåjmadahka diedet allaskåvllååhpadusáj birra webbabielen www.studera.nu ja umasse prienntidum girjátjijn. Dasi lassen gávnnu värmmádakvuododum giehtagirjje doktorándajda. Mij aj barggap vuojnnorievddadimij vaj lassánahttet allaskåvllåstudentaj lågov låhkåmhárjjánimahtes hejmajs ja ietjá álmmuktjerdak duogijn gå svieriga duogijn.
Gåhtså jus åhpadusá vaddi bargojt
Allaskåvllådåjmadahka gåhtså ja diedet aktelt barggomárnána åvdedime ja trendaj birra. Mij guoradallap jus åhpaduvvá mutták märráj umasse suorgij sinna. Mij aj guoradallap gåk ulmutjijs manná gudi li oahppam umasse suorgij sinna.
Gåhtså studentaj riektásihkarvuodav
Allaskåvllådåjmadahka tjuovvu ja gähttjá gåk universitehta ja allaskåvlå anodi lágajt ja biejadusájt. Dav mij dahkap vaj iehtjádij siegen gähttjat studenta riektálattjat giehtaduvvi. Mij gähttjap ráddidusá barggogåhttjusa milta, iehtjama álggaga milta ja aktugasj ulmutjij bajedime milta.
Guoradallá ja tjielggi allaskåvllåvuogádagáv
Allaskåvllådåjmadahka guoradallá universitehtaj ja allaskåvlåj dåjmajt ja almmut guoradallamijt ja tematalasj åtsådimijt. Åvdemus ulmme l rijkajbiejvijda ja ráddidussaj vaddet vuodov vaj máhtti mierredit ájnas ássjij birra universitehtaj ja allaskåvlåj hárráj. Mij aj sihtap mijá guoradallama, buojkulvissan oahppama, buohtaárvo ja sáhttusij avtagiehtadime birra, galggi duvddet åvddånimev allaskåvlån.
Tjoahkkájbiedjá statistijkav allaskåvllåsuorge birra
Allaskåvllådåjmadahka vásstet almulasj universitähtta- ja allaskåvllåstatistijka åvdås. Mij mierredip majt diedojt tjoagget ja gåk dajt giehtadallat. Iehtjádij siegen mij tjoaggep statistijkav studänntalågo birra umasse åhpadusájn, allaskåvlåj åhpadiddjij áldar- ja sjiervvejuogo birra ja man edna ájgev barggi umasse ábnnasij åtsådimijn. Mij guoradallap ja almmudip statistijkav aktelt mijá webbabielen ja jahkediedádusán juohkka gidá.
Gåhtså allaskåvllååhpadusáv ietjá rijkajn
Allaskåvllådåjmadahka gåhtså åvdedimev universitähtta- ja allaskåvllåsuorgen, åvdemusát Europan ja USA:an, valla aj ietjá sajijn väráldin. Ulmme l giehpedit studentajda jåhtet umasse rijkaj gaskan ja umasse åhpadusvuogádagáj gaskan. Ájggeguovddelis diedojt mij almmudip iehtjádij siegen sierra ådåsbrevan.
Diedo allaskåvllååhpadusá birra ietjá gielajda
Allaskåvllådåjmadagá webbabielle hsv.se gávnnu oanedum hámen ie??gisgiellaj.
Allaskåvllådåjmadagá girjátjin "Att studera på högskolan" máhtá ienebuv låhkåt gåk svieriga allaskåvllå doajmmá. Girjásj gávnnu albaniagiellaj, arabiagiellaj, bosnia-/kroatia-/serbiagiellaj, ie??gisgiellaj, fránskagiellaj, álkkes svierigadárogiellaj, persiagiellaj, gárjjelagiellaj, somaliagiellaj, spánskagiellaj ja turkiagiellaj. Dat aj gávnnu Internehtan suomagiellaj, jiddisjgiellaj, romagiellaj, sámegiellaj ja meänkielij. Girjásj gávnnu moatte giellaj, iehtjádij siegen julevsámegiellaj. Máhtá dav dánna njuolgga låhkåt pdf-formáhttan.
Ietjá fábmudagá allaskåvllåsuorge sinna
Centrala studiestödsnämnden, CSN, tjuottjot låhkåmbiednigijt ja ietjá låhkåmdoarjjagijt.
Internationella programkontoret doarjjá skåvlåjt, universitehtajt, vidnudagájt, organisasjåvnåjt ja aktugasj ulmutjijt oassálasstet rijkajgasskasasj aktisasjbargguj.
Svenska Inst it utet adná dahkamussan oablodit diedojt Svieriga birra ålggorijkan ja vásstedit lånudisá åvdås ietjá rijkaj gaskan kultuvra, åhpadusá ja åtsådime hárráj ja ietján sebrudakviessoma hárráj.
Sweden.se, the official gateway to Sweden.
Verket för högskoleservice, VHS, tjadát bessamav ienemus åhpadusprográmmajda universitehtaj ja allaskåvlåj barggogåhttjusa milta.
Prográmma pdf-tjállagijt lågåtjit ja girjásjrávvim
Dån dárbaha Acrobat Reader-prográmmav pdf-tjállagijt lågåtjit. Dav máhtá nåvkå viedtjat Adobe webbabieles.
Máhtá aj rávvit girjátjijt páhperversjåvnnån. Dav dagá mijá almmuduswebbaboargála baktu.
Kontaktperson: Torkel Holmström, e-post enligt fornamn.efternamn@hsv.se
Telefon: 08-563 085 00 Fax: 08-563 085 50 E-post: Se kontaktinformation » .
