Startpage for Swedish National Agency for Higher Education

 
 

Allaskåvllådåjmadagá ja svieriga allaskåvlå birra

Allaskåvllådåjmadagá webbabielle hsv.se


Allaskåvllådåjmadagá webbabielle le hsv.se. Sisanet gájkbadjásasj diededimev svieriga allaskåvllå birra. Dánna gávnnu i.s. diededibme Allaskåvllådåjmadagá birra, gåktå allaskåvlå ja universitehta doajmmi, njuolgadusáj ja biejadusáj birra ma allaskåvlåv stivrriji ja ålggorijkak åhpadusá árvustallama birra. Webbabielen vuojnnu aj ájggeguovddel statistihkka allaskåvlå birra. Webbabielen gávnnuji aj Allaskåvlå álmmudusá, bv. diedádusá ja märrádusá.

hsv.se le dárogiellaj. Ienep diededibme tjuovvu sválldasij svieriga allaskåvlå birra sámegiellaj.

Svieriga allaskåvllå


Stáhtan le åvdåsvásstádus dåjmas allaskåvllådåjmadagán Svierigin. Rijkabiejve ja ráddidus mierredi makkir njuolgadusá galggi fámon årrot ja gåktå biednikluohko galggi juogeduvvat. Universitehta ja allaskåvlå li iesjrádálasj fábmudagá. D.j ietjasa bargo birra ednagav mierredi.

Älla stuorra ärádusá universitehtaj ja allaskåvlåj gaskan. Gájkka universitehta ja ienemus allaskåvlå li stahta vuolen. Gå vuodoåhpadusájn le gärggam de universitehtan agev máhttá åtsådimåhpadussaj joarkket. Allaskåvlån ij agev dav máhte dahkat.

Allaskåvllådåjmadahka doajmmá

Åhpadusájt árvustalli


Allaskåvllådåjmadahka sujnni vuodoåhpadusá ja åtsådimåhpadusá kvalitehtav svieriga allaskåvlåjn ja universitehtajn.

Riektálasj avtalágásj duosstomav nanni sujnnima baktu


Allaskåvllådåjmadahka sujnni allaskåvlåjt. Mierkki dåjmadahka allaskåvlå lágajt ja biejadusájt ma gávnnuji dåjman gähttjá. Máhttá ráddidusá dagáduvvat barggogåhttjusa milta, iesj máhttá álgadit jali aktugasj ulmutjij bajedime milta.

Ietjá ájnas viddno le gähttjat studenta riektálattjat avtaláhkáj duostoduvvi.

Gähttjá, åtsåt ja guoradallá


Allaskåvllådåjmadagán le åvdåsvásstádusáv divna guovddelis allaskåvllåstatisihkas. Allaskåvllådåjmadahka åtsåt aj allaskåvllåsuorgev vattátjit rijkabiejvijda ja ráddidussaj vuodojt árvvalibmáj ja mierredibmáj. Dåjmadahka sihtá guoradallamij ja åtsådimij baktu máhttudagájt allaskåvllåsystema birra lasedit.

Allaskåvllååhpadusáj birra diededimev vaddá


Allaskåvlådåjmdagán le barggogåhtjos diededimijt vaddet ja árvusmáhttet alep åhpadusájda. Webbabielen studera.nu boahtte studentajda diededimijt vaddep. Gávnnuji diededime allaskåvlå åhpadusáj, låhkåmdoarjjagij, gåktå sisi válldem doajmmá, gelbugisvuohta, låhkåma ålggorijkan ja vil iehtjádijt.

Árvustallá ålggorijkak åhpadusáv


Gänna le ållidum ålggorijkak allaskåvllååhpadus máhttá dav oadtjot allaskåvllådåjmadagás árvustaládum. Allaskåvllådåjmadahka mierret makkir svierik eksammav ålggorijkak eksamma buohtastahttá.

Muhtem allaskåvllååhpadusájda li máhttelisvuoda virgijda ma li Svierigin njuolgaduvvam. Umasslágásj fábmudagájs åhpadusá árvustaláduvvi ja mierreduvvá makkir virgijda guosská.

Dála le lissta makkir fábmudagá njuolgadahtedum virgijt giehtadalli. Adressajt fábmudagájda gávna dán sválldasa baktu.

Allaskåvllååhpadusáj birra ietjá gielajda


Allaskåvllådåjmadagá webbabielle hsv.se gávnnu oanedum ienngisgiellaj.

Allaskåvllådåjmadagá girjátjin "Att studera på högskolan" máhtá låhkåt ienebuv gåktå svieriga allaskåvllå doajmmá. Girjásj gávnnu gáktsa gielajda, i.s. álkkes dárogiellaj. Máhtá dánna njuolgga pdf-formáhtan låhkåt.

Ietjá webbabiele ja fábmudagá


Svierigin gávnnuji 39 universitehta ja allaskåvllå ma åhpadusáv ja åtsådimåhpadusáv aktisasjbargon birás sebrudagájn doajmmi. Dánna gávna adressajt allaskåvlåjda.

Centrala studiestödsnämnden, CSN, svieriga låhkåmdårjav tjuottjot, dl. låhkåmdårjav ja låhkåmlånajt.

Verket för högskoleservice, VHS, sisi válldemav tjuottjot ienemus åhpadusprográmmajda universitehtajn ja allaskåvlåjn.

Sweden.se ålggorijkak guossijda diedojt Svieriga birra vaddá. Webbabielen li divna vuododiedojs, ådåsijs ja ájggeguovddel artihkkalijs gitta dálkkeåvddågähttjamijda, kártajda ja ásadusájda.

Prográmma pdf-tjállagijda ja girjásrávvimijda


Lågåtjit pdf-tjállagav dárbaha prográmmav Acrobat Reader. Máhtá nåvkå viedtjat Adobe webbabieles.
Last updated: 2010-07-09
Contact: , Email: firstname.lastname@hsv.se
Swedish National Agency for Higher Education  Visting address: Luntmakargatan 13  Box 7851, 103 99 Stockholm
Phone: 08-563 085 00  Fax: 08-563 085 50  Email: hsv@hsv.se